Neste lugar de Mosteiro, na parroquia de Xián, consérvase unha casa grande, de propiedade privada, que en tempos foi un mosteiro, de aí o nome do lugar. Neste pintoresco e ribeirento lugar era onde primitivamente se atopaba a igrexa de Xián, que foi trasladada máis arriba pedra a pedra. É a única casa grande do concello, xunto coa da Amieira (que se ve ao fondo da imaxe), que ten o tellado de lousa, e non de tella.