Situada no lugar do San Roque, parroquia de San Pedro de Bembibre, a un quilómetro escaso da igrexa principal. É significativa a gran cantidade de cruces de pedra que hai darredor desta capela, ata sete, que son da mesma feitura que a cruz da capela de Deilás, o que dá a pensar que saíron da mesma man, e máis sendo da mesma parroquia. A festa parroquial de San Pedro de Bembibre ten lugar no alto no que se sitúa esta capela.