Esta capela, no lugar de Santa Marta, parroquia de Santa María de Castelo, foi anegada polas augas trala chegada do encoro de Belesar, no ano 1963. Pertencía á Casa Grande de Buín (parroquia de San Xián de Campo). Queda ó descuberto case que tódolos veráns, pero nun illote; soamente no verán do 2011, coas obras na presa se puido chegar ata ela a pé. Era na honra, lóxicamente, da Santa Marta, e fíxose unha festa campestre nela o día 29 de xullo de 2011, o seu día propio. Uns meses despois, en outubro ou novembro, vimos como a subida do nivel da auga a volvía engulir por sabe deus canto tempo. Tódalas persoas que acudimos a aquel xantar-cea campestre agardamos poder volvelo facer algún día, aínda a sabendas de que é difícil que se produza.